Korxona haqida

O‘zbekiston Respublikasi Prezidentining 2017 yil 11 iyuldagi “Yo‘l harakati xavfsizligini ta’minlash tizimini yanada takomillashtirish chora-tadbirlari to‘g‘risida”gi PQ-3127-sonli qarori, hamda O‘zbekiston Respublikasi Vazirlar Mahkamasining 2017 yil 2 oktyabrdagi «O‘zbekiston Respublikasi Avtomobil yo‘llari davlat qo‘mitasi huzuridagi “Uzavtoyo’lbelgi” davlat unitar korxonasi faoliyatini tashkil etish to‘g‘risida»gi 784-sonli qarorlari asosida «Uzavtoyo‘lbelgi» davlat unitar korxonasi O‘zbekiston Respublikasi Avtomobil yo‘llari davlat qo‘mitasi tarkibida tashkil etilib, 2017 yil 19 oktyabr kuni Toshkent shahar, M.Ulug‘bek tumani Hokimiyatida ro‘yxatidan o‘tkazildi.

«Uzavtoyo‘lbelgi» DUKning yo‘l belgilari va axborot ko‘rsatkichlari ishlab chiqarish tsehi Toshkent viloyatining, Yuqorichirchiq tuman, Bardonko‘l qishlog‘ida joylashgan. O‘zbekiston Respublikasi Vazirlar Mahkamasining 2017 yil 2 oktyabrdagi «O‘zbekiston Respublikasi Avtomobil yo‘llari davlat qo‘mitasi huzuridagi “Uzavtoyo’lbelgi” davlat unitar korxonasi faoliyatini tashkil etish to‘g‘risida»gi 784-sonli qarori bilan uning strukturasi belgilab qo‘yilgan.

O‘zbekiston Respublikasi Prezidentining PQ-3127-sonli qarorida yo‘l belgilari, axborot ko‘rsatkichlari, yo‘l harakatini tartibga solishning boshqa texnik vositalarini ishlab chiqarish faqat «Uzavtoyo‘lbelgi» DUK tomonidan amalga oshirilishi belgilab qo‘yilgan va monopol ishlab chiqaruvchilar reestrida 452 –chi qilib ro‘yxatga kiritilgan.

2018 yilning aprel oyidan boshlab korxonadagi mavjud asbob-uskanalar yordamida O’zDSt 3283:2017 “Yo‘l belgilari. Texnik shartlar.” davlat standarti va xolqaro talablarga javob beradigan zamonaviy yuqori intensiv (nur qaytaruvchi) yo‘l belgilari va axborot ko‘rsatkichlari ishlab chiqarilmoqda. Ishlab chiqarishni yanada takomillashtirish maqsadida marketing tadqiqotlarini o‘tkazilib, xalqaro texnik talablarga javob beradigan yangi asbob-uskana va texnikalar harid qilish maqsadida etkazib beruvchi tashkilotlar bilan shartnomalar tuzilmoqda.

Korxonamiz tomonidan harid qilingan zamonaviy maxsus texnikalari yordamida Respublikamizning avtomobil yo‘llarida yo‘l chiziqlarini tortish va eskirgan yo‘l chiziqlarini o‘chirish ishlari amalga oshirilmoqda. Yo‘l chiziqlarini tortishda ishlatiladigan bo‘yoqlar va termoplastni Respublikamizda ishlab chiqarishni tashkil qilish maqsadida Xitoy Xalq Respublikasining «Qingdao Lefeng International Trading Co. LTD» hamda Avstriyaning «SWARCO AG» kompaniyalari bilan kelishuv “Memarandumlari” tuzilib, qo‘shma korxonalar tuzish bo‘yicha ish olib borilmoqda.

Rahbariyat
Galereya
Xizmatlar